धरानको एक होटलमा महिलाको शव फेला, संगै बसेका पुरुष फरार

काठमाडौं । धरानको बुद्धचोकस्थित एक होटलमा महिलाको शव फेला परेको छ । धरान स्थित न्यू कान्तिप‍ूर होटल एन्ड गेस्ट हाउसको कोठामा महिलाको शव फेला परेको हो ।

मंगलबार बिहान कोठा सफा गर्न गएका बेला होटलका कर्मचारीले शव देखेपछि प्रहरीलाई खबर गरेका थिए । होटल सञ्चालक सुशील जिमीका अनुसार दुई दिनदेखि ती महिलासँगै एक जना पुरुष होटलको कोठा बुक गरेर बसेका थिए । बिहान सरसफाइ गर्ने क्रममा ढोकाको चुकुल नलगाएको देखेर कोठमा छिरेका कर्मचारीहरूले बेडमा सुतेकै अवस्थामा महिलाको शव देखेपछि प्रहरीलाई खबर गरेका थिए ।

सोमबार बेलुकासम्म महिलासँगै एक पुरुष पनि सँगै बसे पनि बिहान भने ती पुरुष थिएनन् । फरार रहेका ती पुरुष र मृतक महिलाबीचको सम्बन्ध खुल्न सकेको छैन । मृतकको सनाखत भने हुन सकेका छैन् ।