काठमाडौंमा सिनेमा हल, डान्सबार, दोहारी, नाचघर, क्यासिनो बन्द

काठमाडौं । काठमाडौं उपत्यकामा सञ्चालित सिनेमा हल, डान्सबार, दोहारी, नाचघर, क्यासिनो अर्को आदेश नभएसम्मका लागि बन्द भएका छन् ।

उपत्यकाका प्रमुख जिल्ला अधिकारीहरुको निर्णयानुसार आजदेखि क्लब, हेल्थ क्लब, जिमखाना, रंगशाला, संग्राहलय, पुस्तकालय, चिडियाखाना, कभर्ड हल, स्वीमिङ पुल, फुटसल पनि बन्द भएका छन् । 

यस्तै सबै प्रकारका आमसभा, जुलुस, सभा, सम्मेलन, हाटबजार, महोत्सव, जात्रा आदिमा पनि रोक लगाइएको छ । यस्तै विश्वविद्यालय, विद्यालय, शिक्षालय पनि बन्द भएका छन् भने अनलाइनमार्फत पठन पाठन गर्न पाइनेछ ।