काठमाडौं । राष्ट्रियसभाको निर्वाचनका साथै स्थानीय तहको निर्वाचनको बारेमा छलफल गर्न निर्वाचन आयोगले शुक्रबार बिहान ११ बजे सर्वदलीय बैठक बोलाएको छ ।
आयोगका प्रवक्ता शालीग्राम शर्मा पौडेलले स्थानीय तह निर्वाचन, राष्ट्रियसभा निर्वाचनका साथै मतदाता नामावली अद्यावधिक गर्नेबारे परामर्श गर्नका लागि सर्वदलीय बैठक बोलाइएको बताउनुभयो । निर्वाचन कानूनमा आयोगले सरकारलाई परामर्श दिनुपर्ने व्यवस्थाअनुरूप परामर्श दिनुअघि आयोगले दलहरूसँग छलफल गर्न लागेको हो ।
सर्वदलीय बैठकमा संघ, प्रदेश र स्थानीय तहमा प्रतिनिधित्व गर्ने १७ राजनीतिक दललाई उपस्थित हुन आयोगले पत्राचार गरेको जनाएको छ ।आगामी माघ १२ गते राष्ट्रिसभाका १९ सदस्य पदका लागि उपनिर्वाचन हुँदैछ भने स्थानीय जनप्रतिनिधिहरूको कार्यकाल आगामी जेठ ५ मा सकिँदैछ ।
निर्वाचन ऐनअनुसार उनीहरूको कार्यकाल सकिनु २ महिनाअघि निर्वाचन गरिसक्नेपर्ने प्रावधान छ । आयोगका पदाधिकारीहरूले गत पुष ९ गते प्रधानमन्त्री शेरबहादुर देउवालाई भेटेर आगामी वैशाख १४ र २२ मा स्थानीय निर्वाचन गर्न प्रस्ताव गरिसकेका छन् ।
प्रतिक्रिया दिनुहोस
सफल खबर संवाददाता
विहीबार, २९ पुस २०७८, ०८ : ३३
लेखकबाट थप
सम्बन्धित समाचारहरु
आज मध्यरातिबाट मौन अवधि सुरु, यी कार्य गर्न निषेध
उपनिर्वाचनमा मतदान गर्न के के प्रमाणपत्र चाहिन्छ ?
निर्वाचन आचारसंहिता पालन नगरे कारबाही हुने
उपनिर्वाचन: सामाजिक सञ्जालमा आचारसंहिता कार्यान्वयन गर्न आयोगको आग्रह
आजदेखि मतदाता नामावली दर्ता सुरू
महिलामाथि नजानिँदो किसिमले हिंसा भइरहेको छ : प्रमुख निर्वाचन आयुक्त