बनेपा । बुधबार परेको वर्षाका कारण चिसो बढेपछि काभ्रेपलाञ्चोकको धुलिखेल नगरपालिकाले आजदेखि एक हप्ताका लागि सबै विद्यालय बन्द गरेको छ ।
नगरपालिकाले बुधबार सार्वजनिक सूचना जारी गरी वर्षाका कारण तापमान कम भई जाडो बढिरहेकाले विद्यालय आउने बालबालिकालाई चिसाले अन्य स्वास्थ्य समस्या हुने देखिएको हुँदा यही पुस २१ गतेसम्म विद्यालयको पठनपाठन बन्द गरिएको जनाएको हो ।
जाडो बढेका कारण अहिलेलाई विद्यालय बन्द गरेर पुस २२ गतेदेखि मात्रै विद्यालय सञ्चालन गर्न नगरपालिकाले नगरभित्रका सबै सामुदायिक र संस्थागत विद्यालयलाई आग्रह गरेको हो ।
कतिपय विद्यालयमा दोस्रो त्रैमासिक परीक्षा सञ्चालन भइरहेको भए पनि उक्त परीक्षा विद्यालय खुलेपछि निरन्तरता दिई सञ्चालन गर्ने व्यवस्था मिलाउनसमेत सबै विद्यालयलाई नगरपालिकाको १४ गतेको निर्णयअनुसार अनुरोध गरेको नगरपालिकाका प्रमुख प्रशासकीय अधिकृत तारानाथ लुइँटेलले बताए ।
प्रतिक्रिया दिनुहोस
रासस
विहीबार, १५ पुस २०७८, ११ : ०६
लेखकबाट थप
सम्बन्धित समाचारहरु
२७ विद्यालयलाई काठमाडौँ महानगरले दियो कक्षा थप्ने अनुमति
काठमाडौंका विद्यालयले तोकेकै ठाउँमा मात्रै पुस्तक र पोसाक किनाउन नपाउने
शालीन पोखरेलको मृत्युपछि प्रहरीको घेरामा हुन्छ विद्यालयमा पढाइ
कक्षा १२ सम्म सञ्चालन गर्न विद्यालयलाई एक करोड सहयोग
बन्द भए विद्यालय, भारत जान्छन् विद्यार्थी
भक्तपुरमा अवैध रुपमा विद्यालय सञ्चालन, स्थानीय तह मौन