पठनपाठन चलिरहेको बेला विद्यालय भत्कियो, ९ विद्यार्थी घाइते

काठमाडौं । पठनपाठन  चलिरहेका  बेला  विद्यालय  भवन भत्किँदा  जाजरकोटको बोरकोटको  एक  विद्यालयका  विद्यार्थी  घाइते  भएका  छन् । बोरकोट गाउँपालिका–२,  लिम्सास्थित  वीरेन्द्र  प्राथमिक  विद्यालय  भत्किँदा  शुक्रबार अध्ययनरत नौ जना विद्यार्थी घाइते भएका हुन् । 

विद्यालयका  शिक्षक  कालीप्रसाद  थापाले  बाल  विकास  कक्षा  सञ्चालन हुँदै  आएको  भवनको  भित्ता  शुक्रबार  दिउँसो  पढाइरहेको  समयमा  एक्कासि भत्किएपछि  भागदौडका  क्रममा  विद्यार्थी  घाइते  भएको  बताए । गोरखापत्रमा खबर छ ।