माओवादी केन्द्रको बैठक पेरिसडाँडामा शुरु, मन्त्रीहरुको नाम टुंगो लगाउनेबारे छलफल

सफल खबर संवाददाता

सोमबार, ११ असोज २०७८, १० : २४
माओवादी केन्द्रको बैठक पेरिसडाँडामा शुरु, मन्त्रीहरुको नाम टुंगो लगाउनेबारे छलफल

काठमाडौं । नेकपा माओवादी केन्द्रको स्थायी कमिटी बैठक सुरु भएको छ । पार्टी कार्यालय पेरिसडाँडामा सुरु बैठकमा सरकारका काम र पार्टीको आन्तरिक जीवनबारे छलफल भएको एक नेताले बताए । 

उनका अनुसार सरकारमा सहभागी हुने मन्त्रीहरुको नाम टुंगो लगाउनेबारे छलफल हुने बताए । यसअघि आइतबार बसेको सत्ता गठबन्धनको बैठकमा बुधबारसम्म मन्त्रिपरिषदलाई पूर्णता दिनेबारे छलफल भएको थियो । 

प्रधानमन्त्री शेरबहादुर देउवाले मन्त्रीहरुको नामावली छिटो दिन नेताहरुलाई आग्रह पनि गरेका थिए । सत्ता गठबन्धनका नेताहरुले राजनीतिक दल सम्बन्धी अध्यादेश फिर्ता लिने सहमतीसंगै अबको केही दिनमै मन्त्रिपरिषद विस्तार हुने बताईएको छ ।