चितवन । भरतपुर ११ स्थित गणेशस्थान मन्दिर परिषरमा बृक्षारोपण गरिएको छ । बुधबार रोटरी क्लब अफ नारायणगढ र स्पाउज क्लब अफ नारायणगढ, रोट्रयाक क्लब अफ नारायणगढ इन्स्याक्ट क्लब अफ क्लब अफ बाल्मिकी, र फर्निचर तथा फर्निसिङ व्यवसाय संघ चितवनको संयुक्त, आयोजनामा वृक्षारोपण गरिएको हो ।भरतपुर महानगरपालिका प्रमुख रेणु दाहालको प्रमुख आतिथ्यमा बृक्षारोपण कार्यक्रम सम्पन भएको हो । कार्यक्रममा बोल्दै प्रमुख आतिथि दाहालले भरतपुर महानगरपालिकालाई वातावरणमैत्री बनाइने बताईन् । वातावरण मैत्री सहित स्मार्ट सिटी निर्माणको अभियनामा महानगरपालिका रहेको र बृक्षारोपण कार्यक्रमलाई तीब्रता दिइएको उनले बताईन् ।
विकासको तीब्र गतिमा रहेको भरतपुर महानगरमा वातावरण संरक्षणका लागि पनि आफुहरु सचेत रहेको उनको भनाई छ ।कार्यक्रममा भरतपुर महानगरपालिका, वडा नं २ का वडा अध्यक्ष पूर्णबहादुर श्रेष्ठ र वडा नं ११ का वडा अध्यक्ष बाबुराम अधिकारीकोे उपस्थितीमा गणेशधाम परिसरमा एक हजार बिरुवाहरू वृक्षारोपण गरिएको नारायणगढ रोटरी क्लबका अध्यक्ष रोटरियन अरुणकुमार खनालले जानकारी दिए ।
रोटरी अन्तर्राष्ट्रियको प्रमुख कार्यक्षेत्रहरू मध्ये वातावरण संरक्षण पनि एक रहेको र नेपाल फर्निचर तथा फर्निसिङ व्यवसायी महासंघको सातौँ स्थापना दिवसको अवसर पारेर वृक्षारोपण कार्यक्रम गरिएको अध्यक्ष अरुणकुमार खनालले जानाकारी गराए । त्यसैगरी गणेशधाम सम्वद्र्धन समितिका संयोजक दिनेशकुमार चुकले गणेशधाम परिसरभित्र दश हजार बिरुवाहरू रोपिने योजना भएको र आजबाटै सो कार्यलाई निरन्तरता दिने बताए ।
कार्यक्रममा आयोजक संस्थाहरूको तर्फबाट स्पाउज क्लब अफ आरसी नारायणगढका अध्यक्ष निरा श्रेष्ठ, रोट¥याक्ट क्लब अफ नारायणगढका अध्यक्ष प्रयास श्रेष्ठ, नारायणगढ रोटरी क्लबका संस्थापक अध्यक्ष निरञ्जन प्रधान, पूर्व अध्यक्ष चुननारायण श्रेष्ठ, निवर्तमान अध्यक्ष अनुकूल श्रेष्ठ लगायत अन्य सदस्यहरूको उपस्थिति रहेको थियो ।
प्रतिक्रिया दिनुहोस
सफल खबर संवाददाता
बुधबार, १३ साउन २०७८, ११ : ४०
लेखकबाट थप
सम्बन्धित समाचारहरु
भरतपुर भ्रमण वर्ष : राप्ती नदीमा छाडिए २० वटा घडियाल गोही
सर्वसाधारणको लागि खुला हुँदै दियालो बंगला, सञ्चालनको जिम्मा भरतपुर महानगरलाई
भरतपुर भ्रमण वर्ष सफल पार्न प्रमुख दाहालको आग्रह
मेयर रेनु दाहाल लन्डनमा ‘अन्तर्राष्ट्रिय मेयर अवार्ड’ थाप्दै
भरतपुर महानगर प्रमुख दाहाललाई बेलायत जान मन्त्रिपरिषद्ले दियो अनुमति
आगामी कार्यभार भरतपुरमा उद्यमशिलताको विकास : प्रमुख दाहाल