देउवाले भने - 'माधव नेपालहरु सरकारमा आउनुहुन्छ'

काठमाडौं । प्रधानमन्त्री शेरबहादुर देउवाले एमालेको माधव नेपाल समुह सरकारमा आउने बताएका छन् । आफनो नीजि निवास बुढानिलकन्ठमा काग्रेसका पदाधिकारी तथा पूर्व पदाधिकारी हरुको बैठकमा देउवाले त्यस्तो बताएको कांग्रेसका एक पदाधिकारीले बताए ।

कांग्रेसको महाधिवेशन लक्षित छलफल गर्नका लागि बैठक बोलाईएकोमा धेरैजसोको ध्यान भने महाधिवेशनका विषयमा भन्दा पनि देउवाले अब मन्त्रीमण्डल कहिले विस्तार गछर्न् ? उनले क -कसलाई मन्त्री बनाउँलान् भन्ने तिर थियो ।

‘प्रधानमन्त्री ज्यू, सरकार विस्तारमा विलम्व गर्नुहुन्न, कहिलेसम्म पूर्णतामा लाने हो, सरकारमा को को सहभागी हुन्छन्, यसतर्फ गम्भिरतापूवर्क सोचेर सरकारको पूर्णता दिएर जानुपर्यो । त्यसपछि महाधिवेशनमा पनि केन्द्रीत हुन सजिलो होला,’ नेताहरुको यस्तो प्रश्न पछि देउवाले सरकार विस्तारमा अब धेरै विलम्व गर्ने पक्षमा आफु पनि नभएको जवाफ दिएका थिए ।

‘प्रचण्ड जी र मसँग जसपाले केही दिन समय मागेका हुन, त्यो अब सरकारमा आउने हुन्छ , माधव नेपाल समुह पनि सरकारमा आउँछ । उसको केही आफनो अप्ठायारो होला, तर आउने कुरा नै भएको छ । माधव जीले सरकारमा आउने कुरा नै गर्नुभएको छ । ’ देउवाको भनाई उदधृत गदै ति नेताले भने,–‘अब भागवन्डा लगाउन पनि बाँकि नै छ । सरकारमा को को पार्टी सहभागी हुने प्रष्ट भएपछि मन्त्रालय भागवन्डा हुन्छ , मन्त्री विस्तार नेताहरुले नाम दिएपछि भईहाल्छ ।’

कांग्रेसले त्यसपछि पार्टीको महाधिवेशनको कार्यतालिकामा केही स्थगित गरेको छ । १२ साउनदेखि हुन लागेको वडा अधिवेशन कांग्रेसले स्थगित गरेको छ । यसको सूचना अर्काे जारी गर्ने कांग्रेसले जनाएको छ । 

बैठकमा कांग्रेसको क्रियाशिल सदस्यता छानविन समितिले मंगलवार सम्ममा आफनो प्रतिवेदन बुझाउने प्रतिवद्धता जनाएको छ । संयोजक रमेश लेखकले दुई दिन समय दिन भन्दै मंगलवार बुझाउने प्रतिवद्धता जनाएका थिए ।