भोलि राष्ट्रिय सभाको बैठक बस्दै

काठमाडौँ । राष्ट्रियसभाको बैठक भोलि दिउँसो ४ बजे बस्ने भएको छ । बैठकको पूर्व सन्ध्यामा संघीय संसद सचिवालयले सम्भावित कार्यसूची सार्वजनिक गरेको हो ।  

बैठकको सुरुमा राष्ट्रियसभाका अध्यक्ष गणेश तिमिल्सिनाले अधिवेशन आह्‍वानसम्बन्धी राष्ट्रपतिबाट प्राप्त पत्र पढेर सुनाउनेछन् ।  यस्तै सरकारले जारी गरेका संवैधानिक परिषद् काम, कर्तव्य, अधिकार र कार्यविधिसम्बन्धी पहिलो संशोधन अध्यादेश, २०७७, सपथ सम्बन्धी अध्यादेश, २०७८ प्रधानमन्त्री ओलीले सभामा प्रस्तुत गर्नेछन् । 

यस्तै गृहमन्त्री बिष्णु पौडेलले नेपाल नागरिकता पहिलो संशोधन अध्यादेश, २०७८, बेपत्ता पारिएका व्यक्तिको छानबिन, सत्य निरूपण तथा मेलमिलाप आयोग तेस्रो संशोधन अध्यादेश, २०७७ पेश गर्ने कार्यसूची रहेको छ ।