माधव नेपाल पक्षका यी नेतालाई बोलाएनन् ओलीले बैठकमा

काठमाडौं । नेकपा एमालेको दशौं राष्ट्रिय महाधिवेशन आयोजक कमिटीको बैठक बुधबार विहान ११ बजे बस्ने भएको छ । बुधबार विहान ११ बजे बस्ने महाधिवेशन आयोजक कमिटीको बैठकमा माधव नेपाल समूहका केन्द्रीय सदस्यहरुलाई बोलाइएको छ, तर यसअघि निष्कासनमा परेका माधव नेपालसहित ११ नेतालाई भने बैठकमा बोलाइएको छैन । 

केन्द्रीय कार्यालय सचिव शेरबहादुर तामाङका अनुसार वरिष्ठ नेता झलनाथ खनाल, माधव नेपाल, भीम रावल, रामकुमारी झाँक्री, कल्याणी खड्कालगायत एघार जनालाई भने बैठकमा बोलाइएको छैन । अध्यक्ष केपी शर्मा ओलीले १० जेठमा पार्टीबाट निष्कासन गरेका माधव नेपाल पक्षका नेताहरुलाई बैठकमा बोलाएका छैनन् ।

यो बैठकबाट दशौं राष्ट्रिय महाधिवेशन आयोजक कमिटी विघटन गर्ने तयारी भइरहेको छ । ओलीले दशौं महाधिवेशन आयोजक कमिटी बनाए पनि सर्वोच्च अदालतले मान्यता दिएन ।