माधव नेपालमा बढेको कन्फिडेन्स !

काठमाडौं । एमाले अध्यक्ष समेत रहेका प्रधानमन्त्री केपी ओली फेरि संकटमा पर्न थालेपछि उनको समुहका नेताहरु पार्टीकै बरिष्ठ नेता माधव नेपाल फकाउने अन्तिम कसरथमा छन् ।

नेपाल पक्षका वीचधारका नेताहरुलाई बार्ताको नाममा अल्मलाउन सफल भईरहेको ओली पक्षका नेताहरुले कार्यदलका नाममा नेकपा कालिन विद्यान अनुसार दुई अध्यक्षात्मक प्रणालीमा पार्टीलाई महाधिवेशनसम्म लैजाने र आवश्यक परे ओलीको प्रधानमन्त्रीको विकल्पमा दोस्रो पुस्ताबाट प्रधानमन्त्री खोज्ने सम्मका वहस अन्तरकुन्तरमा गरेपनि त्यसले पनि पार पाउने देखिएको छैन ।

वरिष्ठ नेता माधव नेपाल ९जसलाई ओली पक्षले साधारण सदस्य समेतबाट हटाएको छ० लाई अहिले कसरी फकाउने  र अदालतमा रहेको मुद्दा कमजोर बनाउने नभए, संसद पूर्नस्थापना भयो भने के गर्ने भन्ने भयबाट अहिले ओली पक्ष बढी तरंगित हुन थालेको छ । त्यही क्रममा  ओलीकै गण्डकी प्रदेशका पिल्लर पृथ्वीसुब्बा गुरुङले पार्टी एकता जोगाउन सकिन्छ भने माधव नेपाललाई दोस्रो अध्यक्ष र प्रधानमन्त्री बनाउन समेत पछि पर्न नहुने धारणा सार्वजनिक गरेका थिए ।

 पार्टीको ९शेरबहादुर देउवा० प्रधानमन्त्री बन्ने स्थिति बन्छ भने बनोस् भन्ने होइन कि माधव नेपाललाई प्रधानमन्त्री दिंदा के बिग्रन्छ र ? त्यहाँसम्म पुग्नुपर्छ । त्यसका लागि प्रधानमन्त्री एवंम् अध्यक्ष ओली पनि तयार हुनुपर्छ,  हिजो दुई अध्यक्ष हुनुहुन्थ्यो । आज दुई अध्यक्ष हुँदैन भन्ने छ र १ माधव नेपाललाई अर्को अध्यक्ष बनाएर जान पनि सकिन्छ ।’ गुरुङले भनेका थिए ।

तर त्यसको जवाफ पनि माधव नेपालले दिएका छन् । विपक्षी गठवन्धनले शनिवार राजधानीमा आयोजना गरेको अन्र्तक्रिया कार्यक्रममा नेता नेपालले आफु धोका दिने प्रवृतिको मान्छे नभएको भन्दै प्रधानमन्त्रीको प्रस्ताव त्याग गरिसकेको जानकारी दिए ।

‘माधव नेपाललाई प्रधानमन्त्रीको अफर आउँछ भन्ने होइन, आइसक्यो । शेरबहादुरजीलाई विचैमा पत्तासाफ गर्नुस्, तपाई भइहाल्नुस् । यस्तै प्रस्ताव आईसकेको थियो,’ नेता नेपालले अन्र्तक्रियामा भने, (‘माधव नेपाल धोका दिने मान्छे होइन । जुन प्रक्रिया अगाडि बढेको छ, त्यहाँ धोका दिने पक्षमा छैन । हस्ताक्षर फिर्ता लिने पक्षमा छैन ।’

उनलाई अन्र्तक्रियामा आउँदै गर्दा नेपाल पक्षका नेताहरुले समेत धेरै नबोल्न सुझाएका थिए रे । नेता नेपालले अन्र्तक्रियामै भने, मलाई धेरै नबोल्न मेरै नेताहरुले भन्नुभएको थियो । तितो नबोल्नु भन्नुभएको थियो, तर के गर्ने ओलीको ब्यवहार नै त्यस्तै छ । बोलिहाल्नुपर्ने  ।’

उनलाई कार्यक्रममा उपस्थित भईरहदा , वोलिरहदा धेरैले निरास अनुहारमा रहेको, अप्ठायारोमा परेको जस्ता शब्द चयन गरेर समाचार आईरहन्छन् । यसमा पनि नेता नेपालले आफनो अप्ठायारो सुनाए ।

राष्ट्रियता, संविधान, संघीय लोकतान्त्रिक गणतन्त्र र समावेशीता बचाउन पाँच दलीय गठबन्धन बनेको र त्यसैमा आफु पनि उभएिको अनुभव सुनाएका नेता नेपालले आफुमा कन्फिडेन्स बढेको बताए ।

हो म मा कन्फिडेन्स बढेको छ, नेता नेपालले भने,(‘प्रधानमन्त्री पद दिएपछि माधव नेपालको मन विचलन हुने हो कि भन्ने पनि होला । त्यो सम्भावना छैन, नेकपामा हुँदा पनि प्रचण्ड र हामीबीच फुट ल्याउन अनेक चाल खेल्नुभएको हो । उहाँको यस्तो खुवी भएको मान्छे हो । त्यस्तो भ्रममा म पर्ने वाला छैन । म मा कन्फिडेन्स बढेको छ ।’