प्रहरीलाई प्रलोभनमा पार्न खोजेको आरोपमा एकजना पक्राउ

सिन्धुली । सिन्धुलीमा प्रहरीलाई आर्थिक प्रलोभनमा पार्न खोजेको आरोपमा एकजना पक्राउ परेका छन् ।

पक्राउ पर्नेमा महोत्तरीको बर्दिबास नगरपालिका–१० बस्ने २० वर्षीय अभिषेक परियार छन् । गोलन्जोर गाउँपालिका–७, खुर्कोट बजारस्थित चेकपोस्टमा ड्युटीमा खटिएका प्रहरीलाई १०० रुपैयाँ दिई आर्थिक प्रलोभनमा पार्न खोजेको आरोपमा आइतबार बिहान उनलाई पक्राउ गरिएको हो ।

इटहरीबाट काठमाडौंतर्फ आउँदै गरेको बा४ख ४३०९ नम्बरको हाइस गाडीलाई प्रहरीले काठमाडौं जाने अनुमतिपत्र माग्दा गाडीका सहचालक परियारले उक्त नगद दिई प्रलोभनमा पार्न खोजेपछि पक्राउ गरिएको प्रहरी प्रधान कार्यालयले जनाएको छ ।