झलनाथ खनालको स्वास्थ्य अवस्था कस्तो छ ?

काठमाडौँ । भारतमा उपचार गराइरहेका नेकपा एमालेका वरिष्ठ नेता तथा पूर्वप्रधानमन्त्री झलनाथ खनालको स्वास्थ्य अवस्था सुधारोन्मुख भइरहेको छ । 

उनका स्वकिय सचिव कृष्ण भट्टराईका अनुसार भारतको दिल्लीस्थित एपोलो अस्पतालमा उपचार गराइरहेका खनालका स्वास्थ्य अवस्था सुधारोन्मुख भइरहेको छ ।

उनले खनालको स्वास्थ्य अवस्थाबारे सामाजिक सञ्जालहरुमा गलत सूचनाहरु सार्वजनिक भएको भन्दै आपत्तिसमेत प्रकट गरे । उनले भने, ‘सामाजिक सञ्जालमा भनेजस्तो स्वास्थ्यमा थप समस्या छैन, सुधार भइरहेको छ । कोही भ्रममा नपरौँ ।’