घट्यो सुनको मुल्य, कति पुग्यो तोलामा ?

काठमाडौं । बिहीबार नेपाली बजारमा सुनको मूल्य प्रतितोला तीन सय रुपैयाँले घटेको छ । नेपाल सुनचाँदी व्यवसायी महासंघका अनुसार आज सुन प्रतितोला तीन सय रुपैयाँले घटेर ९३ हजार ९ सय रुपैयाँ कायम भएको हो ।  

बुधबार बजारमा सुन प्रतितोला ९४ हजार २ सय रुपैयाँमा कारोबार भएको थियो । महासंघका अनुसार आज तेजाबी सुन पनि तोलामा ३सय रुपैयाँले घट्दै ९३ हजार ४ सय रुपैयाँ कायम भएको छ । 

यता चाँदी भने गत बुधबारको मूल्यमा ५ रुपैयाँले वृद्धि हुँदै आज प्रतितोला एक हजार ३ सष् ५५ रुपैयाँ कायम भएको महासंघले जनाएको छ ।