एमाले नेता योगेश भट्टराईको टिप्पणी : पार्टी एकता समस्याको मुल जड दुवै खेमामा रहेको भन्दै औल्याए यस्ता दुई कारण

काठमाडौं । नेकपा एमालेका युवा नेता योगेश भट्टराईले पार्टी एकताको मुल जडको रुपमा दुई प्रश्न तेस्याउदैं त्यो के का र कसका लागि भन्द्र प्रश्न गरेका छन् ।  उनले ति दुई विषयमा दुवै पक्ष बिच गम्भीर छलफल गरि साझा निश्कर्सका साथ साझा अभियान मार्फत एमालेको एकता बचाउन जरुरी रहेको उल्लेख गरेका छन् । 

आज बिहान सामाजिक संजालमा लेख्दै उनले एमालेको दुवै खेमा प्रति प्रश्न तेस्र्याएका छन् । उनले भनेका छन–‘कमरेड केपी ओली आफ्नै पार्टीका बरिस्ठ नेता कमरेड जे एन खनाल र कमरेड माधव नेपालसँग सहकार्य गर्न तयार नहुने तर महन्त ठाकुर र राजेन्द्र महतोसँग सत्ता साझेदारी र अन्य बिषयमा गठबन्धन गर्न तयार हुने ।  

कमरेड जे एन खनाल र माधव नेपाल आफ्नै पार्टीका अध्यक्ष कमरेड केपी ओलीसँग मिल्न तयार नहुने तर शेर बहादुर देउपा, प्रचण्ड र उपेन्द्रसँग सत्ता साझेदारी र अन्य बिषयमा गठबन्धन गर्न तयार हुने ।  कस्ले, किन  र के कालागि गर्दैछ यो सब ? एमाले एकताको समस्याको मुल जड यहिं छ ।  

यस बिषयमा कमरेडहरु बिचमा गम्भिर छलफल हुनु र साझा निश्कर्सका साथ साझा अभियान मार्फत एमालेको एकता बचाउन जरुरी छ ।