प्रधानमन्त्री ओलीले राखे रक्षा र गृहसहित सात मन्त्रालय

काठमाडौं । प्रधानमन्त्री केपी शर्मा ओलीले आफूसँग ७ वटा मन्त्रालय राखेका छन् । जसमा रक्षा र गृह मन्त्रालय पनि छन् । प्रधानमन्त्री ओलीले रक्षा, गृह, पर्यटन, सञ्चार, सामान्य प्रशासन, कृषि र उद्योग वाणिज्य तथा आपूर्ति मन्त्रालय राखेका छन् ।  यसपटक मन्त्रिपरिषद प्रधानमन्त्रीसहित १७ सदस्यीय बनेको छ । 

मन्त्रिपरिषदमा विष्णु पौडेल उपप्रधानसहित अर्थ, रघुवीर महासेठ उपप्रधानसहित परराष्ट्र र राजेन्द्र महतो उपप्रधानसहित शहरी विकास मन्त्री बन्नेछन्। त्यस्तै भौतिक पूर्वाधारमा बसन्त नेम्वाङ, शिक्षामा कृष्णगोपाल श्रेष्ठ र कानूनमा लीलानाथ श्रेष्ठ मन्त्रीका रुपमा यथावत रहनेछन् । स्वास्थ्य मन्त्रीका रुपमा शेरबहादुर तामाङले शपथ लिनेछन् । जसपाबाट महतोबाहेक ७ जनाले मन्त्री र २ जनाले राज्यमन्त्रीको जिम्मेवारी पाउँदैछन् ।