बैंकिङ सेवा बन्द गर्न मिल्दैन : राष्ट्र बैंक

काठमाडौं । नेपाल राष्ट्र बैंकले बैंक तथा वितिय संस्थाहरु बन्द नगर्ने बताएको छ । कोभिड १९ का कारण पूर्व बैंकर निरज श्रेष्ठको निधनले त्रासका बढेको भन्दै १ साताका लागि बैंकिङ सेवा ठप्प पार्ने विषयमा नेपाल राष्ट्र बैंक र नेपाल बैंकर्स संघ छलफल भइरहेको भन्ने खबर बाहिरिएपछि राष्ट्र बैकले यस्तो बताएको हो ।

बैंकहरु बन्द गर्ने विषयमा अहिलेसम्म कुनै पनि छलफल नभएको र बन्द गर्न नमिल्ने नेपाल राष्ट्र बैंक र बैंकर्स संघको भनाई छ ।
सरकारले बैंकिङ सेवालाई अत्यावश्यक सेवाको सूचीमा राखेकाले बैंक बन्द गर्ने विषयमा कुनै पनि छलफल नभएको केन्द्रीय बैंकले जनाएको छ ।

बैंकहरु बन्द गर्दा आयात निर्यात लगायतका अत्यवाश्यक वस्तुको कारोबार तथा आयात ठप्प हुने भएकाले त्यस्तो गर्न नमिल्ने नेपाल राष्ट्र बैंकका प्रवक्ता देवकुमार ढकालले बताए ।‘बैंकका १ तिहाई शाखा र २० प्रतिशत कर्मचारीको उपस्थितिमा बैंक सञ्चालचन गर्न हामीले निर्देशन दिएकाले त्यसरी नै बैंकहरु सञ्चालन भइरहेको छ । सरकारले अतिवाश्यक सेवाभित्र राखेकाले सरकारको निर्णयविना हामीले केही गर्न सक्दनौं,’ ढकालले बताए ।

पूर्व बैंकर निजर श्रेष्ठको निधनको खबरले बैकर्समा त्रास बढेपनि बैंकिङ सेवा भने बन्द गर्न नमिल्ने उनी बताउँछ । ‘बैकिङ सेवा बन्द गर्दा आयात निर्यात तथा अतिवाश्यक बस्तुको खरिद बिक्रीमा समेत असर गर्छ । सतर्कताका साथ यो क्षेत्रलाई अगाडी बढाउनुपर्ने बाध्यता छु’ ढकालले बताए ।

नेपाल बैंकर्सका अध्यक्ष भुवन दाहाल राष्ट्र बैंकको निर्देशननुसार नै बैंकिङ सेवा सञ्चालन हुने बताउँछन । उनले बैंकिङ क्षेत्र बन्द गर्ने कुनै पनि सोच नरहेको समेत बताएका छन् ।