कोरोनाबाट चितवनमा थप ११ जनाको मृत्यु, २४८ जना आइसियूमा

चितवन । पछिल्लो २४ घन्टामा चितवनमा थप ११ जना कोरोना संक्रमितको मृत्यु भएको छ । चितवनका विभिन्न अस्पतालमा २४८ जनाको आइसियू कक्षमा उपचार भइरहेको छ ।  ४४ जनाको भेन्टिलेटरमा उपचार भइरहेको छ ।

भरतपुर अस्पतालमा ४, चितवन मेडिकल कलेजमा ४ र पुरानो मेडिकल कलेजमा ३ जनाको मृत्यु भएको स्वास्थ्य कार्यालय चितवनले जनाएको छ । स्वास्थ्य कार्यालयका अनुसार पछिल्लो २४ घन्टामा विभिन्न अस्पतालहरुमा ४२ जना डिस्चार्ज भएका छन्  । विभिन्न अस्पतालहरुमा उपचारको लागि ४५५ जना कोरोना संक्रमित बिरामी भर्ना भएका छन् ।

स्वास्थ्य कार्यालय चितवनले आज सार्वजनिक गरेको तथ्यांकअनुसार पछिल्लो २४ घन्टामा चितवनमा थप २३१ जनालाई कोरोना संक्रमण देखिएको छ । भरतपुर महानगरपालिकामा १९९, खैरहनी नगरपालिकामा ७, माडीमा ६, रत्ननगरमा ११, राप्तीमा ५, कालिकामा २ र इच्छाकामना गाउँपालिकामा १ जना रहेका छन् ।