भारतको एक अस्पतालमा आगलागी हुँदा १८ जना कोरोना संक्रमितको मृत्यु

एजेन्सी । कोरोना कहर बढेसंगै छिमेकी देश भारतको विभिन्न प्रान्तको अस्पतालमा आगलागी हुँदा अहिले सम्म दर्जनौ संक्रमितसंगै अन्य बिरामीले मृत्युवरण गरेका छन् । त्यस्तै फेरी गुजरातको भरुचस्थित एक अस्पतालमा आगलागी हुँदा १८ जनाको ज्यान गएको छ ।

अस्पतालमा उपचाररत कोरोना भाइरसबाट संक्रमित बिरामीको आगलागीका कारण मृत्यु भएको हो । चार तले भवनमा रहेको अस्पतालमा आगलागी हुँदा ५० जना बिरामीको उपचार हुँदै थियो। समाचार संस्था पिटिआईका अनुसार राति (शनिबार बिहान) १ बजेतिर आगलागी सुरु भएको हो । 

अस्पतालमा रहेका बिरामीहरुलाई स्थानीय बासिन्दा र अग्नि नियन्त्रकको सहयोगमा निकालिएको भारतीय सञ्चारमाध्यमले जनाएका छन् ।स्थानीय प्रहरी अधिकारीका अनुसार बिहान साढे ६ बजेसम्म आगलागीका कारण मृत्यु हुनेको संख्या १८ पुगेको पिटिआईले जनाएको छ । अधिकांशको निशास्सिएर स्वासप्रश्वासमा समस्या हुँदा मृत्यु भएको हो।