प्रधानमन्त्री ओलीले दिए नेपाली क्रिकेट टिमलाई  बधाई

काठमाडौं । प्रधानमन्त्री केपी शर्मा ओलीले त्रिदेशीय क्रिकेटको उपाधि जित्न सफल नेपाली राष्ट्रिय क्रिकेट टिमलाई बधाई दिएका छन् । उत्कृष्ट ब्याटिङ र बलिङको नमूना पेस गरेको नेपालले शनिबार नेदरल्यान्ड्समाथि १४२ रनको विशाल जित निकालेको थियो ।

प्रधानमन्त्री ओलीले आइतबार बिहान सामाजिक संजालमा ट्वीटमार्फट नेपाली टिमलाई बधाई दिएका हुन् ।‘नेपालले नेदरल्यान्ड्सलाई १४२ रनको विशाल अन्तरले पराजित गरी ११ वर्षको इतिहास तोड्दै शानदार विजय हासिल गरेकोमा नेपाली राष्ट्रिय क्रिकेट टिमलाई हार्दिक बधाई १’, ओलीले लेखेका छन् ।