अमेरिकी राष्ट्रपति डोनाल्ड ट्रम्प पछिल्लो २४ घन्टा सामाजिक सञ्जाल ट्वीटरमा चर्चामा छन् । हिजोमात्र ट्रम्पले बेलायतको दक्षिणपन्थी दलले बनाएको मुस्लिमविरोधी भिडियो रिट्वीट गरेका थिए । सो भिडियोमा मुस्लिमलेहरुले एक किशोरलाई छतमा लिएर पिटेर मारेको देखाइएको थियो।
एउटा सानो समूहले राखेको भिडियो ४ करोड ३६ लाखभन्दा बढी फ्लोअर भएका ट्रम्पले रिट्वीट गर्दा मुस्लिम विरोधी अनावश्यक चर्चा हुने भन्दै उनको आलोचना भएको थियो । बेलायती प्रधानमन्त्री थेरेसा मेको कार्यालयले राष्ट्रपति ट्रम्पले उक्त भिडियो रिट्वीट गर्नु गलत भएको बताएको थियो।
_20231127105311.gif)
त्यसको जवाफ ट्रम्पले प्रधानमन्त्री मेलाई आफूलाई भन्दा बढी बेलायतमा बढीइरहेको मुस्लिम आतंकवादलाई ध्यान दिन सुझाएका हुन् । उनले ट्वीटरमा लेखेका छन्– थेरेसा मे, मलाई ध्यान नदिनुस्, बेलायतमा भइरहेको कट्टरपन्थी स्लामिक आतंकवादमा बढी ध्यान दिनुस् । हामीले राम्रै गरिरहेका छौं।
प्रतिक्रिया दिनुहोस