सबै जुटेर एमालेको बहुमत ल्याउन कसम खाऊँ : योगेश भट्टराई

काठमाडौं । एमाले नेता योगेश भट्टराईले पार्टीभित्रको विवाद समाधानमा सबै पक्षले इमान्दार हुँदै आत्मालोचना गर्नुपर्नेमा जोड दिएका छन् । उनले पहिला फागुन २३ गतेको सर्वो अदालतको फैसलालाई सबैले स्वीकार गरेर त्यसपछि २०७५ जेष्ठ २ गते कायम रहेको नेकपा एमाले केन्द्रीय कमिटीको बैठक आयोजना गर्न प्रस्ताव पनि गरेका छन् । 

‘बैठकमा खुला खुलस्त छलफल गरौ । षड्यन्त्र र छलछाम कसैले कसैमाथि नगरौ’, उनले सामाजिक सञ्जालमार्फत भनेका छन्, ‘आफूबाट भएका गल्तीलाई सबैले दीलबाट स्वीकार गरौँ ।  पार्टीलाई विधिसम्मत रुपमा संचालन गर्ने सबै तयार होऔँ। ’ 

महाधिवेशन र सबै तहका अधिबेवेशन आयोजना गर्दै स्वस्थ र पारदर्शी ढंगले लोकतान्त्रिक अभ्यास गर्ने र परिणाम सबैले स्वीकार गर्नुपर्नेमा पनि जोड दिएका छन् । 

यस्तै पार्टीलाई एकताबद्ध राख्दै आउने निर्वाचनमा नेकपा एमालेको बहुमत ल्याउन सबैले कसम खानुपर्नेमा पनि उनले जोड दिएका छन् । उनले भनेका छन्, ‘जमिनमा टेकौँ र जनता तर्फ फर्कौँ । यसैमा छ सबैको भलो ।