काठमाडौँ । जिल्लामा राष्ट्रिय परिचयपत्र विवरण दर्ता अभियान शुरु भएको छ । गृह मन्त्रालय तथा जिल्ला प्रशासन कार्यालयको समन्वयमा यहाँका नौवटै स्थानीय तहका सबै नागरिकलाई सेवा दिन शुरु गरिएको हो ।
पहिलो पटक दिपायल सिलगढी नगरपालिकाबाट शुरु गरिएको अभियान अहिले बोगटान फुड्सिल गाउँपालिकाका सबै वडाहरूमा शुरु भएको छ ।
बोगटान फुड्सिल गाउँपालिकाका सबै वडा कार्यालयबाट अभियानकै रूपमा राष्ट्रिय परिचयपत्र विवरण दर्ता शुरु गरिएको गाउँपालिका उपाध्यक्ष भगवती बमले जानकारी दिनुभयो ।
उक्त अभियानको गाउँपालिकाका अध्यक्ष कमलबहादुर गड्सिला र उपाध्यक्ष भगवती बमले संयुक्त रुपमा उद्घाटन गर्नुभयो । सबै वडामा राष्ट्रिय परिचयपत्र वितरण अभियान शुरु भएपछि स्थानीयवासी खुशी भएका छन् । जिल्लाका अन्य सात स्थानीय तहमा पनि केही दिन भित्रमै अभियान शुरु गरिने जिप्रकाले जनाएको छ ।
प्रतिक्रिया दिनुहोस
रासस
आइतबार, १५ चैत्र २०७७, २० : १६
लेखकबाट थप
सम्बन्धित समाचारहरु
खोटाङमा राष्ट्रिय परिचयपत्र दर्ता सुरु
लमजुङमा राष्ट्रिय परिचयपत्र वितरण
मकवानपुरमा वडाबाटै राहदानी र राष्ट्रिय परिचयपत्रको सेवा
राष्ट्रिय परिचयपत्रको काम अस्थायी रूपमा सुचारु
सर्भरमा समस्या आएको भन्दै राष्ट्रिय परिचयपत्र बनाउने काम रोकियो