बसले ठक्कर दिदा मोटरसाईकल चालकको मृत्यु

रौतहट । बसले मोटरसाइकललाई ठक्कर दिँदा  रौतहटमा मोटरसाइकल चालकको मृत्यु भएको छ। दुर्घटनामा मोटरसाइकलको पछाडि बसेका एक जना गम्भीर घाइते भएका छन् । 

चन्द्रपुर नगरपालिका १ स्थित पूर्व पश्चिम राजमार्गमा ग १ ख ६४४७ नम्बरको बसले प्रदेश नं२–०३–०११ प ७८७९ को मोटरसाइकललाई ठक्कर दिँदा चालक चन्द्रपुर नगरपालिका १ बागमति डाँडाटोल बस्ने ३४ वर्षका कुमार लुङगेलीको मृत्यु भएको हो ।

मोटरसाइकलको पछाडि बसेका २७ वर्षका जयबहादुर दर्लामी घाइते भएको प्रहरीले जनाएको छ।