म्यानचेस्टर सिटी क्वाटरफाइनल प्रवेश

एजेन्सी । च्याम्पियन्स लिग फुटबलमा म्यानचेस्टर सिटी क्वाटरफाइनलमा प्रवेश गरेको छ । मंगलबार राति भएको अन्तिम १६ को दोस्रो लिगगमा बोरुसिया मोन्चेङ्ग्लाडवाचलाई २–० ले पराजित गरेर समग्रमा ४–० को जितसहित म्यानचेस्टर सिटीले अन्तिम ८ मा स्थान बनाएको हो ।

घरेलु मैदानमा भएको दोस्रो लेगमा जस्तै अवे मैदानमा भएको पहिलो लिगमा पनि म्यानचेस्टर सिटी २–० ले नै विजयी भएको थियो । मंगलबार रातिको खेलमा सिटीका लागि केविन डी ब्रूयना र इल्कायी गुण्डोगानले गोल गरेका हुन् । डी ब्रूयनाले १२ औँ तथा गुण्डोगानले १८ औँ मिनेटमा गोल गरेका हुन् । ती गोलका लागि क्रमशः रियाद महरेज र फिल फोडिनले सहयोग गरेका हुन् ।