माओवादी केन्द्रको केन्द्रीय कमिटी बैठक स्थगित

सफल खबर संवाददाता

सोमबार, ०२ चैत्र २०७७, १५ : २९
माओवादी केन्द्रको केन्द्रीय कमिटी बैठक स्थगित

काठमाडौँ । पार्टी कार्यालय पेरिसडाँडामा सोमबार बसेको नेकपा माओवादी केन्द्रको केन्द्रीय कमिटी बैठक केही दिनका लागि स्थगित भएको छ ।

अब सरकार निर्माणबारे अन्य दलसँग वार्ता गर्नुपर्ने र नेकपाको विवादमा सर्वोच्चले गरेको फैसलाको पुनरावलोकनमा जानुपर्ने भएकाले बैठक केही दिन नबस्ने नेता नारायणकाजी श्रेष्ठ प्रकाशले बताए । उनका अनुसार बैठकमा २० जना नेताले समसामयिक राजनीतिबारे बोलेका थिए ।

बैठकपछि प्रवक्ता नारायणकाजी श्रेष्ठले माओवादीबाट मन्त्री बनेका नेताहरुलाई स्पस्टिकरणको पत्र पठाइसकेको तर उनीहरुले जवाफ नदिएकाले प्रक्रिया अनुसार अघि बढ्ने जानकारी दिए । उनले नयाँ सरकार गठनका लागि विभिन्न पार्टीसँग वार्ता गर्नुपर्ने र पार्टीको सांगठानिक क्रियाकलाप बढाउनुपर्ने भएकाले बैठक केही दिन स्थगित गर्नुपरेको जानकारी दिए ।