काठमाडौं । नेपाली कांग्रेसका युवा नेता नैनसिंह महरले म्यानमामा प्रजातन्त्रवादी नेतृ आङ सान सूचीसहित अन्य राजनीतिक नेताहरुलाई नियन्त्रणमा लिइएको घटना निन्दनीय भएको बताएका छन् ।
स्कुल अफ डेमोक्रेसीद्वारा आयोजित कार्यक्रममा नेता महरले, ‘लोकतान्त्रिक पद्धति र संविधानवादको संरक्षणका लागि नेपाली कांग्रेसलगायत जनतासमेत सङ्घर्षरत रहेकै बेला नेतृ सूचीसँगै थुप्रै राजनीतिक नेताहरु गिरफ्तार गरिएको घटना निन्दनीय र खेदजनक रहेको बताए।
विश्वको प्रजातान्त्रिक प्रणालीलाई अतिवादको बाछिटामार्फत तहसनहस पार्न भइरहेका सबैखाले घटना र परिघटनाको विरोधमा भएकासमेत नेता महरले उल्लेख गरे। उनले लोकतान्त्रिक पद्धतिको संरक्षणका लागि हाम्रो सङ्घर्ष अविचलित र थकितरहित रहने बताए ।
सोमबार बिहान निर्वाचन परिणाम सार्वजनिक भएपछि पहिलो संसद् बैठकअघि म्यानमाको सेनाले सू चीसहितका नेताहरुलाई नियन्त्रणमा लिएको छ भने एक वर्षका लागि सत्ता कब्जाको घोषणा गरेको छ ।
प्रतिक्रिया दिनुहोस
रासस
सोमबार, १९ माघ २०७७, १३ : ४९
लेखकबाट थप
सम्बन्धित समाचारहरु
अब एक्लै चुनाव लडेर बहुमत ल्याउनुपर्छ: नेता महर
सहकारी व्यवस्थापनमा सरकार गम्भीर बन्न आवश्यक : नैनसिंह महर
राष्ट्रियसभामा सत्तापक्ष-प्रतिपक्षको गठबन्धन अलोकतान्त्रिक चरित्र : नैनसिंह महर
हाम्रा प्रतिस्पर्धी दलहरुलाई हेर्ने आधिकारिक दृष्टिकोण तय गरौँ : नैनसिंह महर
संविधानमा सबै वर्ग र समुदायका कुरा अटाएको छ : नैनसिंह महर
विद्यालय शिक्षा विधेयकमा सरोकारवालाको माग सम्बोधन नै हुनुपर्छ : नैनसिंह महर