महोत्तरीको एक गोदाममा आगलागी हुँदा लाखौँको क्षति

सफल खबर संवाददाता

सोमबार, ०८ मंसिर २०७७, १३ : ०९
महोत्तरीको एक गोदाममा आगलागी हुँदा लाखौँको क्षति

सांकेतिक तस्विर

महोत्तरी । महोत्तरीमा एक हार्डवेयर गोदाममा गएराति आगलागी हुदाँ व्यापक क्षती भएको अनुमान गरिएको छ ।

Yeti Diistillery Tansen Cement box

महोत्तरीको औरही वडा नम्बर १ स्थित अम्बिका जेनरल हार्डवेयर गोदाममा आईतबार साँझमा आगलागी हुदाँ करिब १० लाख रुपैयाँ बराबरको क्षती भएको अनुमान छ ।

साँझमा अन्दाजी साढे ७ बजे देखि लागेको आगो नियन्त्रण लिन करिब ५ घण्टासम्म लागेको थियो । आगो निभाउनका लागि नेपाल प्रहरी, सशस्त्र प्रहरी र नेपाली सेना र ५ वटा दमकल समेत परिचालन गरिएको थियो ।

Upakar

साँझमा गोदामबाट धुँवा आएपछि आगलागी भएको कुरा थाहा पाएको गोदामका संचालन महेश साहले बताए । उनले आगलागीबाट करिब १० लाख रुपैयाँ बराबरको क्षती भएको बताए ।

व्यवसायी साहले आफ्नै घरको तल्लो फ्लाइटमा हार्डवेयरको गोदाम राखेका थिए। माथिल्लो तल्लामा  पारिवारिक बसाई र केही कोठा भाडामा लगाएका छन् ।

तल्लो तल्लाको गोदाममा आगलागी भएको धुँवा माथिल्लो तल्लामा पुगेपछि त्यहाँ रहेका बच्चाहरुले आगो लागेको हल्ला गरेका थिए । स्थानीयवासीहरु सो ठाउँमा पुगेर बच्चाहरुको उद्धार तत्कालै गरेका थिए । गोदाममा रहेको स्प्रिटमा आगो लागेपछि स्थानीयले आगो नियन्त्रणमा लिन खोज्दै गर्दा आगोको मुस्लोले खाना पकाउने ग्यासको सिलिन्डरमा पुगेको र त्यहाँबाट भागाभाग समेत भएको थियो । स्थानीय धर्मेन्द्र कुमार यादवले भने– एकैछिनमा सिलिन्डर पड्किएपछि आगो गोदामभरी फैलियो थियो ।

महोत्तरीको बर्दिबास, जलेश्वर नगरपालिका, धनुषाको क्षिरेश्वर नगरपालिका, जनकपुरधाम उपमहानगपालिकाबाट गएको दमकलले फैलिएको आगो राति करिब साढे ११ बजे नियन्त्रणमा लिएको ईलाका प्रहरी कार्यालय गौशालाका निरीक्षक प्रकाश रेग्मीले जानकारी दिए । प्रारम्भिक अनुसन्धान अनुसार विद्युत सर्ट भएर आगलागी भएको हुनसक्ने अनुमान उनको छ ।

यता हार्डवेयर गोदाम र सुविसुको अफिस जलेर खरानी भएको छ भने लघुवित्तमा समेत क्षती भएको छ ।

प्रतिक्रिया दिनुहोस