कुलमानको पक्षमा निस्केको प्रदर्शनमाथि प्रहरीको लाठीचार्ज

काठमाडौँ । कुलमानको पहिलो कार्यकाल आइतबार सकिएको छ। सरकारले कुलमानलाई पुनः ल्याउने संकेत देखाएको छैन । काठमाडौँमा दिनहुँजसो प्रदर्शनहरु भइरहेका छन् । 

मन्त्रिस्तरीय निर्णयले मंगलबार प्राधिकरणकै कर्मचारीलाई निमित्त प्रमुखको जिम्मेवारी दिएको छ । नेपाल विद्युत प्राधिकरणको कार्यकारी प्रमुखमा घिसिङलाई पुनः नियुक्त गर्नु पर्ने मागसहित काठमाडौँमा आज पनि प्रदर्शन भएको छ । प्रदर्शनमा उत्रिएका युवाहरुले प्रहरीले धरपकड गरी तितरबितर पारेको छ । लाठी प्रहार गरेको छ । 

बिहीबार बिहान बिजुली बजार पुलबाट माइतीघर मण्डलातर्फ मोटरसाइकल र्‍यालीसहित आउँदै गरेको युवा प्रदर्शनकारीलाई प्रहरीले तितरवितर पारेको हो । प्रहरीले प्रदर्शनकारीलाई धरपकड गर्ने क्रममा लाठी प्रहार गरेको थियो । प्हरीको लाठी प्रहारबाट केही घाइते भएका छन् । प्रहरीले केही प्रदर्शनकारीलाई पक्राउ गरेको छ ।