छट्टाछट्टै स्थानमा दुई महिलाको शव फेला

दाङ । छट्टाछट्टै स्थानमा दुई महिलाको शव फेला परेको छ । प्रदेश प्रहरी कार्यालय दाङका अनुसार गुल्मी र रोल्पामा महिलाको शव फेला परेको हो ।

गुल्मी चन्द्रकोट गाउँपालिका बडिगाड खोलाको किनारमा महिलाको शव फेला परेको छ । खोलाको किनारमा नामथर नखुलेकी अन्दाजी ३० बर्षकी महिलाको शव फेला परेको प्रहरीले जनाएको छ । घटनाबारे थप अनुसन्धान जिल्ला प्रहरी कार्यालय गुल्मी गरिरहेको प्रदेश प्रहरी कार्यालयले जनाएको छ । 

यस्तै रोल्पामा पनि एक महिला मृत्त अवस्था फेला परेकी छन् । रोल्पा जिल्लाको रोल्पा न.पा. १० धाङसी खोलाको बीचमा स्थानीय वर्ष ५९ की मनकला बिकको शव फेला परेको प्रहरीले जनाएको छ ।

उनी घरबाट कोही कसैलाई जानकारी नगराइ हिडेकी थिइन् ।  जिल्ला प्रहरी कार्यालय रोल्पाबाट थप अनुसन्धान भइरहेको प्रदेश प्रहरी कार्यालय दाङले जनाएको छ ।