लिदी पहिरोमा ३७ जनाको शव भेटियो, दुई जना अझै बेपत्ता

सिन्धुपाल्चोक । सिन्धुपाल्चोकको लिदीमा गएको पहिरोमा थप एक जनाको शव फेला परेको छ । सत्र वर्षीय सुवास पाख्रिनको शव आज भेटिएको प्रहरी नायब उपरीक्षक माधवप्रसाद काफ्लेले जानकारी दिए । 

यससँगै पहिरोमा परी मृत्यु हुनेको संख्या ३७ पुगेको छ भने दुई जना अझै बेपत्ता रहेका छन् । गत साउन ३० गते जुगल गाउँपालिका वडा नं २ लिदीमा गएको सो पहिरोमा ३७ घर क्षतिग्रस्त र ३९ जना बेपत्ता भएका थिए ।

उक्त पहिरोमा अझै बेपत्ता दुई जनाको नेपाली सेना, नेपाल प्रहरी र सशस्त्र प्रहरी बलद्वारा खोजी भइरहेकोे छ ।