CG Landmark

चितवन प्रहरीले सामाजिक दुरी र मास्क प्रयोग नगर्ने ७७३ जनालाई गर्यो कारवाही

सफल खबर संवाददाता

मंगलबार, २० साउन २०७७, ०८ : १७
चितवन प्रहरीले सामाजिक दुरी र मास्क प्रयोग नगर्ने ७७३ जनालाई गर्यो कारवाही

चितवन । जिल्लाका विभिन्न स्थानमा न्यूनतम सामाजिक तथा भौतिक दुरी कायम नगरी सवारी साधन संचालन गर्ने र  मास्क प्रयोग नगर्ने ७७३ जना कारवाहीमा परेका छन् । 

जिल्ला प्रहरी कार्यालय चितवनले उनीहरुलाई कारवाही गरेको हो । सोमबार जिल्लाको विभिन्न स्थानमा चेकजाँच गर्दा उनीहरु कारवाहीमा परेका हुन् । सवारी साधन संचालनको क्रममा भौतिक दुरी कायम नगरेको र विभिन्तन सार्वजनिक स्थलमा मास्क प्रयोग नगर्ने ७७३ जनालाई संक्रमण रोग ऐन २०२० बमोजिम कारवाही गरिएको जिल्ला प्रहरी कार्यालय चितवन प्रवक्ता सुर्यबहादुर थापाले बताए ।

Yeti Diistillery Tansen Cement box

उनीहरुलाई लगाईएको जरिवानाबाट ८३ हजार ५ सय संकलन भएको छ । प्रहरी प्रवक्ता थापाले सार्वजनिक स्थानमा हिडडुुल गर्दा अनिवार्य रुपमा मास्क प्रयोग गर्न र सामाजिक दुरी कायम गर्न आग्रह गरेका छन् । 

यसैगरि बिना ईजाजत औषधी बिक्री वितरण गरेको आरोपमा भरतपुर १५ देवी चौक बस्ने ३१ वर्षिय भोजबहादुर गुरुङ र सोही ठाँउका २० वर्षिय महेश परियार पक्राउ परेका छन् । गोप्य सुचनाको आधारमा प्रहरीले गुरुङको घरमा छापा मार्दा विभिन्न औषधीहरु बरामद गरेको जनाएको छ । पक्राउ परेकाहरुलाई औषधी व्यवस्था विभाग विरगंज पर्सामा आवश्यक कारवाहीको लागि पठाएको छ । 
 

प्रतिक्रिया दिनुहोस