प्रदेश प्रमुख प्रसाई उपचार गर्न भरतपुर अस्पतालमा

चितवन l केन्द्रिय अस्पताल बने संगै सेवा सुबिधा स्तरीय वन्दै गएको भरतपुर अस्पतालमा उपचारका लागि बागमती प्रदेशका प्रमुख बिष्णुप्रसाद प्रसाई आज हेटौडाबाट यहाँ आउनु भएको छ । राजधानी काठमाडौं जतिकै बिशेषज्ञ चिकित्सक रहेको र सुबिधा उपलव्ध भएको भन्दै प्रसाई यहाँको सरकारी अस्पताल आउनु भएको हो ।

उहाँले अस्पतालका बरिष्ठ हाड जोर्नी एबं नसा रोग बिशेषज्ञ प्रा.डा. कृष्ण पौडेल संग स्वास्थ्य परिक्षण गराउनु भएको छ । प्रसाईको ढाड सड्कीएको र कुममा समस्या भएको पौडेलले जानकारी दिनुभयो । एक साता पछि पुनः अस्पताल आउनुपर्ने उहाँको भनाई छ । प्रमुखका स्वकिय सचिब प्रताप उप्रेतीका अनुसार उहाँले सधै आफ्नो उपचार सरकारी अस्पतालमा गर्दै आउनु भएको छ । दुई दिन अघि मकवानपुर गढिबाट झर्ने क्रममा ढाड सड्किए पछि उपचारका लागि उहाँ भरतपुर आउनु भएको हो ।

उपचार पछि खुशि हुँदै उहाँले  सरकारी अस्पताल प्रति जनमानसको भ्रम चिरेर सकारात्मक सन्देश प्रवाह गर्नु पर्ने बताउनुभयो । उहाँले यहाँको सेवाको बारेमा आम जनतालाई बुझाउन आग्रह गर्नु भएको थियो ।  

नेपालका सरकारी अस्पतालहरुको सेवा सुबिधा राम्रो हुँदै गएको भन्दै उहाँले भरतपुर अस्पतालको सेवा राम्रो रहेको आँफुले जानकारी पाएको बताउनुभयो । यसका बारेमा आम नागरिकलाई जानकारी हुने गरि प्रचार प्रसार गर्न उहाँले सुझाब दिनुभयो । काठमाडौंका नाम चलेका अस्पताल सरह सेवा सुबिधा भरतपुर अस्पतालमा रहेको आँफुले जानकारी पाएको बताउनुभयो ।

कोरोना भाईरस (कोभिड १९)को उपचारमा सरकारी अस्पतालहरुले पु¥याएको योगदानको उच्च सम्मान गर्दै थप प्रभावकारी सेवा दिन आग्रह गर्नुभयो । सो अबसरमा भरतपुर अस्पतालका प्रमुख मेडिकल सुपरिटेण्डेन्ट डा. श्रीराम तिवारी, अस्पताल बिकास समितिका सदस्य केशब देवकोटा, प्रा. डा. कृष्ण पौडेल र सूचना अधिकारी लिलाधर पौडेलले अस्पतालका सेवा सुबिधाका बारेमा जानकारी गराउनु भएको थियो । प्रमुख जिल्ला अधिकारी नारायण प्रसाद भट्टराई पनि सो अबसरमा उपस्थित हुनुहुन्थ्यो । उहाँले आज यहाँको बिपि कोईराला मेमोरियल क्यान्सर अस्पतालको पनि निरिक्षण गर्नु भएको उप्रेतीले जानकारी दिनुभयो ।