चितवन l भरतपुर अस्पतालको आईसीयूमा उपचाररत ६८ वर्षीय एक वृद्धको मंगलबार बिहान मृत्यु भएको छ । रौतहटको परोहा नगरपालिका वडा नम्बर आठका ती वृद्धमा कोरोना संक्रमणको आशंका गरी थ्रोट स्वाब संकलन गरी परीक्षणका लागि भरतपुरस्थित कोभिड प्रयोगशालामा पठाइएको छ ।
चार महिनादेखि क्षयरोगको औषधि सेवन गरिरहेका ती वृद्धमा श्वासप्रश्वासको समस्या देखिएपछि आइतबार राति भरतपुर अस्पतालमा भर्ना गरिएको थियो । भरतपुर अस्पताल विकास समितिका अध्यक्ष डा. भोजराज अधिकारीले ती बिरामी वीरगञ्जबाट रिफर भई आएकोले कोरोना भाइरस (कोभिड १९) परीक्षणका लागि स्वाब संकलन गरी प्रयोगशालामा पठाइएको बताए । क्षयरोगी ती बिरामीको फोक्सोमा पानी जमेको पाइएको डा. अधिकारीको भनाइ छ ।
कोरोना भाइरसको संक्रमणपछि बिरामी व्यक्तिको फोक्सोमा समस्या आउने, निमोनिया हुने चिकित्सकहरुले बताउँदै आएका थिए । भरतपुर अस्पतालको आईसीयूमा मृत्यु भएका ती बिरामीको फोक्सोमा पानी जमेको पाइनुले कोरोना संक्रमणको आशंकालाई बल पुगेको एक चिकित्सकले बताए ।
प्रतिक्रिया दिनुहोस
सफल खबर संवाददाता
मंगलबार, ०६ जेठ २०७७, १३ : १६
लेखकबाट थप
सम्बन्धित समाचारहरु
भरतपुर अस्पतालको अनुगमनपछि स्वास्थ्यमन्त्री यादव भन्छन् - जनअपेक्षाअनुसार सेवा दिन सकिएको छैन
सुधारोन्मुख भरतपुर अस्पताल, सेवासुविधा बढाउँदै
भरतपुर अस्पतालमा मौसमी ‘फ्लू’ का बिरामी २० प्रतिशतले बढे
भरतपुर अस्पतालमा एक लाखसम्म निः शुल्क उपचार सेवा भएपनि बिरामी आउँदैनन्
भरतपुर अस्पतालमा सुत्केरी हुन आउने गर्भवतीमध्ये ४० प्रतिशतको शल्यक्रिया
भरतपुर अस्पतालमा थप पाँचवटा ‘बर्थिङ स्वीट्स रुम' सञ्चालनमा