एजेन्सी । अहिले संसारभरि कोरोना भाइरसको माहामारीले विश्व मानवलाई त्रशित बनाइरहेको छ ।
तर यही बेलामा अफ्रिकी देश कंगोमा अर्को खतरनाक भाइरस इबोला पनि देखिएको छ । कंगो सरकारले देशलाई इबोलामुक्त भनी घोषणा गर्नै लागेको बेलामा हालैको दिनमा एकजना इबोलाकै कारण ज्यान गुमाउन पुगेका छन् ।
कंगो पहिलेदेखि नै विद्रोहीहरूको आक्रमणबाट जर्जर छ । अहिले कोरोना र इबोला दुई महामारीले पनि उसलाई सताइरहेका छन् ।
कंगोमा मार्च २७ मा एक युवकलाई इबोलाको लक्षण देखिन थाल्यो । उनलाई अस्पतालमा भर्ना गरियो र बिहीवार उनको मृत्यु भयो ।
सन् २०१८ को अगस्ट महिनापछि कंगोमा इबोलाले २२ सय ७६ जनाको ज्यान लिइसकेको छ ।
विश्व स्वास्थ्य संगठनले कंगोमा इबोलाका अन्य केसहरू पनि हुन सक्ने अनुमान लगाएको छ ।
इबोलाको लक्षण देखिएका रोगीलाई ज्वरो आउने, बान्ता आउने, छेर लाग्ने र रगत बग्ने समस्या हुन्छन् । अहिले फैलिएको महमारीमा संक्रमणग्रस्तमध्ये एकतिहाइको ज्यान गएको छ ।
सन् १९७६ मा पहिलोपटक इबोला भाइरस पत्ता लागेको हो । त्यसयता कंगोमा यस भाइरसका १० वटा आउटब्रेक भइसकेका छन् । सन् २०१३ देखि २०१६ को बीचमा इबोलाका कारण ११ हजारभन्दा बढी मानिसको ज्यान गएको छ ।
प्रतिक्रिया दिनुहोस
सम्बन्धित समाचारहरु
हावाबाट कोरोना फैलिएको विश्व स्वास्थ्य संगठनको स्विकारोक्ति
कोरोना भाइरसविरुद्धको खोप विसर्जन गरिँदै
नेपालमा कोभिडको नयाँ भेरियन्ट नभित्रिएको स्वास्थ्य मन्त्रालयको भनाइ
भारतको ११ राज्यमा फैलियो कोरोना भाइरसको नयाँ भेरियन्ट
भारतमा भेटियो कोरोनाको नयाँ भेरियन्ट
कोरोना भाइरसविरुद्धको ४० लाख मात्रा डोज खोप खेर जाँदै