गायक प्रकाश कुटवाल थुनामा

काठमाडौं । तनहुँका व्यवसायीमाथि कुटपिट गरेको अभियोगमा पक्राउ परेका लोकदोहोरी गायक प्रकाश कटुवाललाई थुनामा पठाइएको छ ।

 जिल्ला अदालत तनहुँले उनलाई पुर्पक्षको लागि थुनामा राख्न आदेश दिएको हो । जिल्ला अदालत तनहुँले वादी र प्रतिवादीको बहस सकिएपछि अभियुक्तलाई थुनामा राखेर अनुसन्धान गर्न आदेश दिएको हो ।

फागुन ५ मा उनी होटल व्यवसायी लालकाजी गुरुङमाथि कुटपिट गरेको अभियोगमा उनी पक्राउ परेका थिए । गुरुङकी छोरी सोनीकाले गायक कटुवालविरुद्ध जिल्ला प्रहरी कार्यालय तनहुँमा किटानी जाहेरी दिएपछि कटुवाललाई पक्राउ गरेको थियो ।