सुनको मूल्य हालसम्मकै उच्च, तोलामा ८० हजार ७०० पुग्यो

विहीबार, २२ फागुन २०७६, १२ : १७
सुनको मूल्य हालसम्मकै उच्च, तोलामा ८० हजार ७०० पुग्यो

काठमाडौं । नेपाली बजारमा सुनको मूल्य हालसम्मकै उच्च रहेर तोलामा ८० हजार ७०० रुपैयाँमा कारोबार भएको छ । 

नेपाल सुनचाँदी व्यवासयी महासंघका अनुसार बुधबार तोलामा ८० हजार ५०० रुपैयाँमा कारोबार भएको सुनको मूल्य बिहीबार रु २०० बढेर ८० हजार ७०० रुपैयाँ पुगेको हो । यो मूल्य हालसम्मकै उच्च हो । 

यस्तै तेजावी सुन तोलामा ८० हजार ४०० रुपैयाँमा कारोबार हुँदा चाँदीको मूल्य भने स्थिर रहेको छ ।  बिहीबार चाँदी बुधबारकै मूल्य ८८० रुपैयाँमा कारोबार भएको छ ।