डिल्लीबजार कारागारबाट प्रहरीले महरालाई विदाइ गर्‍यो

सफल खबर संवाददाता

सोमबार, ०५ फागुन २०७६, १६ : ३२
डिल्लीबजार कारागारबाट प्रहरीले महरालाई विदाइ गर्‍यो

काठमाडौं । अदालतबाट सफाइ पाएका निवर्तमान सभामुख कृष्णबहादुर महरा डिल्लीबजार कारागारबाट विदाइ भएका छन् ।

उनलाई डिल्लीबजार कारागारमा रहेका नेपाल प्रहरीका पूर्वमहानिरीक्षक रमेश चन्द ठकुरी, सशस्त्र प्रहरीका पूर्वडीआईजी रञ्जन कोइराला लगायतले माला लगाएर विदाइ गरेका हुन् ।

यस अघि अदालतले आफ्नो पक्षमा फैसला सुनाएलगत्तै कृष्णबहादुर महरा डिल्ली बजार कारागारतर्फ लागेका थिए । महरालई प्रहरीले नै कारागार लगेको थियो ।

संसद सचिवालयमा कार्यरत एक महिला कर्मचारीमाथि जबरजस्ती करणी प्रयास गरेको आरोपमा पूर्वसभामुख महरा पुर्पक्षका लागि जेलमा रहेका थिए ।