एजेन्सी । थाईल्याण्डका चिकित्सकले आफूहरुले वुहान कोरोना भाइरसबाट संक्रमित भएकी एक विरामीलाई सफलतापूर्वक निको पारेको बताएका छन् ।
तिनले विभिन्न भाइरसको उपचारमा अहिले नै उपलब्ध औषधीलाई मिसाएर खान दिदाँ विरामीलाई सन्चो भएको जानकारी दिए ।
बैंककस्थित राजाभिथी अस्पतालका चिकित्सक डा. क्रियाङसक एतीपोर्नवानिचले अस्पतालमा उपचार गर्न चीनबाट आएकी एक ७१ वर्षे महिला भाइरसमुक्त भएको जानकारी दिए ।
डा.क्रियाङसकका अनुसार ती विरामी महिलालाई एचआईभीको उपचारमा प्रयोग हुने औषधी र फ्लू हुदाँ खाइने ओषधिको मिश्रण दिइएको थियो ।
‘म अत्यन्त जटिल अवस्थामा रहेकी विरामीको उपचारमा संलग्न थिएँ र परिणाम सकारात्मक आएको छ । ४८ घण्टाभित्रै विरामीको स्वास्थ्य अवस्थामा तिव्र सुधार भएको छ र परिक्षणको परिणाम पनि ४८ घण्टाभित्र पोजिटिभबाट नेगेटिभमा फेरिएको छ ,’ डा. क्रियाङसकले भने ।
अस्पताल प्रसासनले यो खबर सार्वजनिक गर्नको लागि पत्रकार सम्मेलन नै आयोजना ग¥यो । पत्रकार सम्मेलनमा अस्पतालका अधिकारीले निको भएको विरामीको स्वास प्रणालीमा अहिले कुनै भाइरस नदेखिएको बताए ।
उता, बेइजिङका अस्पतालहरुले केही विरामीलाई एचआईभी उपचारमा प्रयोग हुने औषधी दिएर निगरानी गरिरहेको थिए । तर यसले परिणाम बाहिर आएको छैन ।
प्रतिक्रिया दिनुहोस
एजेन्सी
सोमबार, २० माघ २०७६, १३ : ३९
लेखकबाट थप
सम्बन्धित समाचारहरु
कोरोना भाइरसविरुद्धको खोप विसर्जन गरिँदै
नेपालमा कोभिडको नयाँ भेरियन्ट नभित्रिएको स्वास्थ्य मन्त्रालयको भनाइ
भारतको ११ राज्यमा फैलियो कोरोना भाइरसको नयाँ भेरियन्ट
भारतमा भेटियो कोरोनाको नयाँ भेरियन्ट
कोरोना भाइरसविरुद्धको ४० लाख मात्रा डोज खोप खेर जाँदै
इजिप्टमा कोरोना भाइरसको नयाँ भेरियन्ट फेला