अण्डा उत्पादक किसान विचौतियाविरुद्ध आन्दोलीत, सडकमै अण्डा फालेर विरोध

चितवन । विचौलीयाका कारण अण्डाको मुल्य नपाएको भन्दै अण्डा उत्पादक किसानहरु आन्दोलीत बनेका छन । उनिहरुले सडकमै अण्डा फालेर विरोध गरेका छन् । मंगलबार भरतपुरको चौविसकोठीमा प्रदर्शन गर्दै किसानहरुले अण्डा फालेर विरोध गरेका हुन । 

किसानहरुले जिल्ला प्रहरी कार्यालय परिसरबाट चोविसकोठीसम्म नाराबाजी गर्दै ¥याली समेत निकालेका थिए । नेपाल अण्डा उत्पादक संघ केन्द्रीय कार्यसमितिको आयोजनामा भएको विरोध कार्यक्रममा १६ पेटी अण्डा बाटोमा फालेको अण्डा उत्पादक संघका केन्द्रिय उपाध्यक्ष किरणभुषण ओलीले जानकारी दिए । उनका अनुसार बिचौलीया आफैले अण्डाको मुल्य घटाएर निर्धारण गरेका कारण सडकमा उत्रनु परेको हो । 

किसानको उत्पादनको मुल्य तोक्ने अधिकार अरुलाई हुदैन उनले भने ‘विचौलीयाले आत्मनीर्भर बन्दै गएका कुखुरापालक किसानलाई पेशा बाटै विस्तावित गराउने काम गरेको छ यसको विरोधमा हामी छौं ।’ यस अघि गत शुक्रवार दाना बितरण संघको कार्यालयमा किसानले तोडफोड समेत गरेका थिए । तोडफोडमा संलन रहेको भन्दै जिल्ला प्रहरी कार्यलय चितवनले पाँच जना किसानलाई नियन्त्रमा समेत राखेको छ ।विरोध कार्यक्रममा किसानहरुले उनीहरुको रिहाईको माग समेत गरेका छन् ।

चितवन नवलपुर दाना अण्डा कुखुरा वितरक संघका अध्यक्ष तेजनारायण पाण्डेले बजारको माग अनुसार अण्डाको मुल्य रहेको बताएका छन् । किसानले उत्पादन गरेको अण्डाको मुल्य किसान आफैले तोक्न पाउनुपर्छ उनले भने ‘अरु कसैलाई मुल्य तोक्ने अधिकार छैन ।’ हाल ६ हजार पेटी अण्डा दैनीक चितवनमा उत्पादन ह’न्छ .