काठमाडौं । मानव तस्करी गरेकाे अाराेपमा कलाकार राजेन्द्र खड्गी पक्राउ परेका छन् । खड्गीलाई प्रहरीको केन्द्रीय अनुसन्धान ब्यूरो (सिआईबी)ले बिहीवार पक्राउ गरेको हो ।
दक्षिण कोरीयामा विभिन्न ड्रामा, डकुमेन्ट्री, फिल्म बनाउने भनी कलाकारको नाममा बिभिन्न व्यक्तिहरुलाई पठाई मानव ओसारपसार गरेको उनीमाथि आरोप लागेको छ ।
व्यूरोका निर्देशक डिआइजी पुष्कर कार्कीले भने, ‘राजेन्द्र खड्गीसँग गएका ११ जना दक्षिण कोरियामा लुकेको सूचना आएको छ । हामीले अनुसन्धान शुरु गरेका छौँ ।’
खड्गीसँगै एउटै टोलीमा गएका श्री प्रसाद राना, निमा शेर्पा र कालु लामा लगायतका ११ जना युवा–युवती कोरियामै रहेको प्रहरीको शुरुको अनुसन्धानमा छ ।
खड्गीलाई पक्राउ लगत्तै काठमाडौं जिल्ला अदालतमा पेश गरिएको सिआईबीले जनाएको छ । अदालतले ५ दिन थुनामा राखि खड्कीमाथि अनुसन्धान गर्न म्याद दिएको छ ।
प्रतिक्रिया दिनुहोस