मन्त्रीमण्डल फेरबदल प्रधानमन्त्रीको क्षेत्राधिकार : प्रचण्ड

काठमाडौं । मन्त्रीमण्डल फेरबदलको विषयलाई लिएर विभिन्न संचार माध्यममा अर्नगल र भ्रामक समाचार प्रकासन, प्रसारण गरेको भन्दै नेकपा अध्यक्ष प्रचण्डको निजी सचिवालयले आपत्ती जनाएको छ । 

सचिवालयले आज प्रेस विज्ञप्ती जारी गर्दै भनेको छ, ‘हाम्रो पार्टी नेतृत्वमा रहेको वर्तमान सरकारमा सहभागी मन्त्रीहरुका बिषयमा अध्यक्ष कमरेड प्रचण्डलाई जोडेर विभिन्न सञ्चारमाध्यममा प्रसारित/प्रकाशित अनर्गल र भ्रामक समाचारको हाम्रो सचिवालय घोर भत्र्सना र खण्डन गर्दछ ।’  

मन्त्री मण्डल फेरबदलको बिषय प्रधानमन्त्री केपी शर्मा ओली कै क्षेत्राधिकारको बिषय रहेको कुरा अध्यक्ष कमरेड प्रचण्डले बारम्बार जोड दिईरहनु भएको तथ्य सबैमा विदितै छ । पत्रकारिताको सामान्य मान्यताको पनि ख्याल नगरी भएको दुश्प्रचारको भ्रममा नपर्न सचिवालयले आग्रह समेत गरेको छ ।