पराल बोकेको ट्रकमाथि करेन्ट लागेर मृत्यु

नवलपुर । करेन्ट लागेर २४ वर्षका मतिराम महतो थारुको मृत्यु भएको छ । गँैैैैडाकोट १० नमुना चोकस्थित पूर्वपश्चिम राजमार्गबाट भित्री सडक खण्डतर्फ पराल बोकेर जाँदै गरेको ना २ ख ९०७८ नम्बरको ट्रकमाथि बसेका मध्यविन्दु ६ बस्ने थारुलाई बिजुलीको तारले छोएपछि करेन्ट लागेको थियो ।

गम्भीर घाइते थारुको उपचारका लागि अस्पताल जाँदै गर्दा बाटोमा मृत्यु भएको प्रहरीको भनाइ छ । आफूहरुले सो ट्रक नियन्त्रणमा लिएको र फरार चालकको खोजी गरिरहेको जिल्ला प्रहरी कार्यालय कावासोतीका प्रहरी निरीक्षक तथा सूचना अधिकारी राजेन्द्र अधिकारीले बताए ।