Safal Khabar - चितवनमा नक्कली बमको त्रास, लाइन्सचोकमा भेटिएको शंकास्पद वस्तु बम नभएको पुष्टी
शनिबार, ११ जेठ २०७६ (Saturday, 25 May, 2019)
चितवनमा नक्कली बमको त्रास, लाइन्सचोकमा भेटिएको शंकास्पद वस्तु बम नभएको पुष्टी
बिहिबार, ३० फागुन २०७५, १६ : २७
चितवनमा नक्कली बमको त्रास, लाइन्सचोकमा भेटिएको शंकास्पद वस्तु बम नभएको पुष्टी

भरतपुर । चितवनको नारायणगढ स्थित लाईन्सचोकमा भेटिएको शंकास्पद वस्तु बम नभएको प्रहरीले जनाएको छ । नारायणगढको लाइन्सचोकमा रहेको कृषि विकास बैंक अगाडि शंकास्पद वस्तु बम नहरेको पुष्टी भएको छ ।
बिहीबार दिउँसो करिब २ः४५ बजे मोटरसाईकलमा आएका २ जना अज्ञात व्यक्तिहरुले रंगको बट्टालाई सेतो प्लाष्टिकले बेरिएको बट्टालाई सडकमा छोडेर गएका थिए । सडकमा रहेको सो बट्टालाई रिक्सा चालकले चौतारोमा राखिदिएको जिल्ला प्रहरी कार्यालय चितवनका प्रमुख सुशिल सिंह राठौरले जानकारी दिनुभयो । त्यस लगत्तै जिल्ला प्रहरी कार्यालय चितवनका प्रहरी निरिक्षक युवराज तिमिल्सिनाको कमाण्डमा प्रहरी टोली शंकास्पद वस्तु भएको स्थानमा पुगेको थियो । शंकास्पद वस्तु निष्कृय पार्न घटना स्थलमा पुगेको नेपाली सेनाको डिस्पोजल टोलीले शंकास्पद वस्तु बम नभएको पुष्टी गरेको प्रहरीले जनाएको छ । शंकास्पद वस्तु बम भएको आशंका भएपछि ठूलो संङ्ख्यामा सर्वसाधरण सो स्थानमा जम्मा भएका थिए ।
 

प्रतिक्रिया दिनुहोस