प्रतिनिधि सभा नियमावली आज अन्तिम रूप दिने तयारी

काठमाडौँ । प्रतिनिधि सभाको कार्य सञ्चालनसम्बन्धी नियमावलीको मस्यौदा आजै समितिबाट स्वीकृत गर्ने तयारी गरिएको छ।

मस्यौदा समितिका सभापति गणेश पराजुलीका अनुसार महाभियोग प्रक्रियासहित केही बाँकी विषयमाथि आज छलफल गरी टुंगो लगाउने कार्यसूची तय गरिएको छ। अन्य अधिकांश प्रावधानमा सहमति जुटिसकेको जनाइएको छ।

समितिलाई दिइएको १४ दिनको समय सीमा मंगलबार समाप्त हुने भएकाले निर्धारित अवधिभित्रै मस्यौदालाई अन्तिम रूप दिन तयारी तीव्र पारिएको सदस्यहरूले बताएका छन्।