निर्वाचन परिणाम अप्रत्याशितः कृष्णप्रसाद सिटौला

काठमाडौं । नेता कृष्णप्रसाद सिटौलाले प्रतिनिधि सभा सदस्यको निर्वाचन परिणाम अप्रत्याशित भएको बताउनुभएको छ । 

बुधवार पर्टीबाट राष्ट्रिय सभामा नवनिर्वाचित सदस्य र बहालवाला सदस्यहरुबीचको परिचयात्मक कार्यक्रमपछि सञ्चारकर्मीहरुसँग कुरा गर्दै उहाँले प्रतिनिधि सभा निर्वाचनको नतिजा अपेक्षाभन्दा फरक आएको बताउनुभएको हो । काँग्रेस, एमाले, नेकपा तथा मधेस केन्द्रित दलहरूका लागि यो परिणाम केही हदसम्म अप्रत्याशित देखिएको उहाँले बताउनु भयो । उहाँले निर्वाचन परिणामका यसबारे पार्टीभित्र थप छलफल हुन बाँकी रहेको उल्लेख गर्नुभयो । निर्वाचन परिणामले पुराना दलहरूको हैसियत झण्डै उस्तै देखिएको उहाँको भनाई छ । उहाँले हाल निर्वाचित भएर आएका राष्ट्रिय स्वतन्त्र पार्टीका सांसदहरूले देश र जनताको हितमा कस्तो काम गर्छन् भन्ने विषयले आगामी राजनीतिक दिशालाई प्रभाव पार्ने बताउनु भयो । 

उहाँले भन्नुभयो, ‘यो अप्रत्याशित लाग्यो मलाई, तथापि पार्टीभित्र छलफल गर्न बाँकी छ । पुराना दलहरुको हैसियत उस्तै उस्तै देखिन्छ, काँग्रेस, एमाले, नेपाली कम्युनिष्ट पार्टी, त्यस्तै मधेस केन्द्रित दलहरु सबै पुराना दलहरुको लागि यो अप्रत्याशित जस्तो नै देखिन्छ । तथापि अहिले निर्वाचित भएर आउने राष्ट्रिय स्वतन्त्र पार्टीका माननीयहरु हुनुहुन्छ, उहाँहरुले देशको हितमा, जनताको हितमा कति राम्रो कामहरु गर्नुहुन्छ । त्यसमा धेरै कुरा भर पर्छ नी अब ।’ 

उहाँले बदलिँदो राजनीतिक परिस्थिति र नयाँ शक्तिको उदयले आफुहरुको भुमिकामा पनि परिवर्तन आएको बताउनु भयो । उहाँले नयाँ परिवेशमा राष्ट्रिय सभाले निर्वाह गर्ने भुमिका अझ महत्वपूर्ण हुने उल्लेख गर्नुभयो