कहिलेसम्म नयाँ सरकार बन्छ ? अझै छन् पुरा गर्नुपर्ने यी प्रक्रिया

- प्रत्यक्ष तर्फको मतगणना सकेपनि समानुपातिक मत गन्न अझै कम्तीमा २ दिन । 

- दुबै तर्फको सबै मत गणना सकेपछि समानुपातिक सिट बाँडफाँट गर्न  निर्वाचन आयोगलाई थप २ दिन । 

- निर्वाचन आयोगले ३ प्रतिशत थ्रेसहोल्ड कटाउने दललाई उसले प्राप्त गर्ने सिट संख्या र समावेसी क्लस्टर समेत तोकेर बन्दसूचीबाट बिजयी उम्मेद्वार छान्न  संभवतः ७ दिन दिनसक्ने । (बिगतको अभ्यास) 

- दलहरुबाट प्राप्त निर्णय र नामावली जाँचगरी समानूपातिक उम्मेदवारलाई बिजयी घोषणा गर्न र समग्र प्रतिवेदन तयार गर्न निर्वाचन आयोगलाई कम्तीमा थप २ दिन । 

- प्रत्यक्ष र समानुपातिक तर्फबाट बिजयी सदस्यहरुको नामवाली सहितको प्रतिवेदन आयोगले राष्ट्रपति समक्ष पेश गर्न १ दिन । 

- त्यसपछि बल्ल रास्ट्रपतिबाट नयाँ प्रधानमन्त्री नियुक्ति गर्ने बाटो खुल्ला । 

( तर नयाँ प्रधानमन्त्री दाबी गर्ने बहुमत प्राप्त दल राष्ट्रिय स्वतन्त्र पार्टीले प्रधानमन्त्री दाबी गर्नु अघि नै आफनो संसदीय दल नेता (बालेन शाहलाई) चयन गरिसक्नु पर्नेछ । त्यसपछि मात्रै प्रधानमन्त्री दाबी गर्न सक्नेछन् ।) 

यस हिसाबले कम्तीमा १४ दिन ( दुई साता) अझै नयाँ प्रधानमन्त्री नियुक्त हुन समय लाग्ने देखिन्छ । 

अर्थात चैत १० सम्म नयाँ प्रधानमन्त्री नियुक्त हुन लाग्नेछ ।