रास्वपाको केन्द्रीय समिति बैठक जारी, समानुपातिक सूची आजै टुंग्याइने

काठमाडौं । राष्ट्रिय स्वतन्त्र पार्टी (रास्वपा) को केन्द्रीय समिति बैठक जारी रहेको छ। पार्टी केन्द्रीय कार्यालयमा बसेको उक्त बैठकमा सभापति रवि लामिछानेको उपस्थिति रहेको छ।

बैठकमा पार्टीको आन्तरिक प्रतिस्पर्धा तथा प्राथमिक निर्वाचन प्रक्रियाबाट छनोट भएका प्रतिनिधि सभाका समानुपातिक उम्मेदवारहरूको सूचीलाई अन्तिम रूप दिने मुख्य एजेन्डा रहेको छ।

पार्टी प्रवक्ता मनीष झाका अनुसार केन्द्रीय समिति बैठकले समानुपातिक तर्फको उम्मेदवार सूचीलाई अन्तिम रूप दिनेछ। बैठकबाट आवश्यक निर्णयहरू गरी सूची निर्वाचन आयोगमा बुझाउने तयारी भइरहेको उनले बताए।