काँग्रेस बैठकमा गगन थापाको नयाँ प्रस्ताव

काठमाडौँ । नेपाली काँग्रेसले १५ औँ महाधिवेशनको कार्यतालिका संशोधनबारे छलफल थालेको छ। सानेपामा बसेको कार्यसम्पादन समिति बैठकमा कार्यतालिका संशोधनबारे छलफल भएको प्रवक्ता डा. प्रकाशशरण महतले बताए।

बैठकमा महामन्त्री गगन थापाले वडा र क्षेत्रीयको अधिवेशन गरेर सिधै केन्द्रीय महाधिवेशन गर्ने ढंगको प्रस्ताव ल्याएको बताएका छन्।

उनले भने, ‘महामन्त्रीले क्रियाशील सदस्य समयमै सकिने भएन, वडा र क्षेत्रीयपछि केन्द्रीय महाधिवेशन गरौँ भन्ने आशयले प्रस्ताव राख्नुभएको छ। त्यसमा साथीहरूले कार्यतालिका मात्रै ल्याउने कार्यान्वयन नहुने अब हुँदैन भन्ने कुरा भएको छ। बोल्ने क्रम चलिरहेको छ।’

महामन्त्रीले बैठकमा क्रियाशील सदस्यतामा भएको प्रगतिबारे जानकारी गराएको बताए। कार्यवाहक सभापतिले राष्ट्रियसभाको निर्वाचन, प्रतिनिधि सभाको समानुपातिकतर्फको उम्मेदवार, विगतमा गरिएको अनुशासनको कारवाही लगायतको विषयमा कुरा राखेको बताए।

बैठकमा नेताहरूको बोल्ने क्रम जारी रहेकाले भोलि दिउँसो १ बजे फेरि बैठक बस्ने उनले बताए।