युक्रेनमा क्षतिपूर्तिको निर्णयका लागि नयाँ समिति गठन

एएफपी । राष्ट्रपति भोलोदिमिर जेलेन्स्कीसहित शीर्ष युरोपेली अधिकारीहरू मंगलवार युक्रेनमा रुसी आक्रमणको असरको क्षतिपूर्तिका लागि दसौँ अर्ब युरोको अन्तिम निर्णय गर्न अन्तर्राष्ट्रिय निकाय गठन गर्न सहमत भएका छन्।

युक्रेनका लागि अन्तर्राष्ट्रिय क्षतिपूर्ति दाबी आयोग नाम दिइएको उक्त समितिमा रहन ३५ देशहरू हस्ताक्षर गरेका छन् । आयोगले क्षतिपूर्तिको लागि दाबीहरूको मूल्यांकन र भुक्तान गरिने कुनै पनि रकमसहितको निर्णय गर्नेछ ।

मानिसहरूले युद्धबाट भएको कुनै पनि प्रकारको क्षतिको क्षतिपूर्ति गर्न सकिन्छ भन्ने महसुस गर्न सकुन् भन्ने उद्देश्यसाथ नयाँ आयोगको गठनसँगै क्षतिपूर्तिको लागि हरेक संयन्त्र सुरु हुनेछ र यसबाट बलियो र पर्याप्त अन्तर्राष्ट्रिय समर्थन प्राप्त हुनेछ ।

“अरू मुलुकले आक्रामकता रोज्न नसिक्न यो युद्ध र यसका लागि रूसको जिम्मेवारी एक स्पष्ट उदाहरण बन्नुपर्छ,” राष्ट्रपति जेलेन्स्कीले भने ।

आयोगको स्थापना तथाकथित ‘क्षतिको दाबी’ पछि भएको छ र यसले पहिले नै व्यक्ति वा संगठनहरूबाट क्षतिपूर्तिको लागि ८० हजारभन्दा बढी दाबीहरू प्राप्त गरिसकेको छ।

यससँगै तेस्रो चरणको क्षतिपूर्ति कोष स्थापना हुनेछ तर प्रक्रियाको त्यो महत्त्वपूर्ण भागले व्यवहारमा कसरी काम गर्छ यो स्पष्ट हुन सकेको छैन ।